8 பிட் எழுத்துருவில் மென்தமிழ்:

8 பிட் எழுத்துருவில் மென்தமிழ் கொண்டு வருவதில் ஒரு சிக்கல் உள்ளது. தமிழ் எழுத்துக்களுடன் மென் தமிழ் எழுத்துக்களையும் சேர்த்து எழுத முடிந்தால் நன்றாக இருக்கும் என்று நினைத்தேன். காரணம், தமிழில் எழுதும்போது பிற மொழிப் பெயர்களை சரியான உச்சரிப்புடன் எழுதுவதற்குப் பயன்படும். அப்படியானால், 8 பிட் எழுத்துரு நியமமான TAM இல் மென் தமிழை சேர்ப்பது இயலாது. 7 பிட் எழுத்துரு நியமங்களான TAB மற்றும் TSCII இல் சேர்க்கலாம். இதில் TAB இல் 80-9F  இடங்கள் கட்டுப்பாட்டு எழுத்துக்களுக்காக ஒதுக்கப்பட்டுள்ளன. TSCII இல் 80-9F இடங்கள் வட எழுத்துக்கள், தமிழ் அடையாள குறியீடுகள் மற்றும் தமிழ் எண்களைக் கொண்டுள்ளது. ISCII இலும் 80-9F கட்டுப்பாட்டு எழுத்துக்களுக்காக ஒதுக்கப்பட்டுள்ளன.

80-9F இடங்களை மென் தமிழ் எழுத்துக்களுக்குப் பயன்படுத்தலாம். இதற்கு TAB நியமமே மிகப் பொருத்தமாக இருக்கும். இவ்வெழுத்துருக்களை பெரும்பாலான பயன்பொருட்களில் (Applications) பயன்படுத்தலாம் என்பதால் TAB எழுத்துருவில் மென் தமிழ் எழுத்துக்கள் கொண்ட புதிய எழுத்துரு உருவாக்கப்பட்டது.

ஆனால் இவ்வாறு உருவாக்கப்படும் எழுத்துருக்களை முனையத்தில் (Terminal / Console) பயன்படுத்த முடியாது. ஏனெனில், முனையம் அவைகளைக் கட்டுப்பாடு எழுத்துக்கள் என்று கருதி அச்சிடாது. ஆகவே முனையத்திற்கு என தனியாக E0-FF இடங்களில் நிலையகல எழுத்துக்களைக் கொண்ட MSCII என்ற எழுத்துரு அட்டவணை உருவாக்கப்பட்டது.